1lurer.am Վենեսուելայի իշխանությունները որոշել են դուրս գալ Միջազգային քրեական դատարանից (ՄՔԴ)՝ հայտարարել է արտգործնախարար Ֆելիքս Պլասենսիան։
«Վենեսուելան ՄԱԿ-ի գլխավոր քարտուղար Անտոնիու Գուտերեշին տեղեկացրել է ՄՔԴ-ից վերջնականապես դուրս գալու գործընթացը սկսելու մասին»,- գրել է արտաքին գործերի նախարարը սոցիալական ցանցերում։
Պլասենսիան նշել է, որ Կարակասի կարծիքով՝ դատարանն իրականացնում է «աշխարհագրորեն կողմնակալ» գործունեություն: Նրա խոսքով՝ այս մոտեցման արդյունքում խորանում է ժողովուրդների անհավասարությունը։
Հունիսին ՄՔԴ-ն լքելու որոշման մասին հայտարարել էր Նիգերը, դրանից առաջ՝ Ֆիլիպիններն ու Բուրունդին։
