Քրեական վարույթ է հարուցվել «Քաղաքացիական պայմանագիր» խմբակցության ղեկավար Հայկ Կոնջորյանի եղբորը հուլիսի 23-ի գիշերը ծեծելու դեպքի առթիվ։ Մեկ անձ ձերբակալվել է։
Քննչական կոմիտեից հայտնել են, որ Կոտայքի մարզային քննչական վարչությունում քրեական վարույթ է նախաձեռնվել՝ մի խումբ անձանց կողմից ֆիզիկական ներգործության և խուլիգանության հատկանիշներով։
Նախաքննությունը շարունակվում է՝ միջադեպի մյուս մասնակիցներին հայտնաբերելու ուղղությամբ։
Ավելի վաղ մամուլում լուրեր էին տարածվել, որ ծեծել են ՔՊ խմբակցության ղեկավար Հայկ Կոնջորյանի եղբորը։ «Ժողովուրդ» օրաթերթը գրել էր, որ կապ է հաստատել նրա հետ, վերջինս հաստատել էր տեղեկությունները
