azatutyun.am Օմանը Իրանին առաջարկել է Հորմուզի նեղուցը կամավոր վճարներով կառավարելու համատեղ տարածաշրջանային մեխանիզմ ստեղծել, հաղորդում է Reuters-ի աղբյուրը։
Աղբյուրը հավելել է, որ Օմանի առաջարկը, որն աջակցություն է ստացել տարածաշրջանի մի շարք երկրների կողմից, նախատեսում է, որ Իրանը չի ունենա նեղուցի նկատմամբ միանձնյա վերահսկողություն։
Առաջարկը հիմնված է Մալակկայի նեղուցի կառավարման մոդելի վրա, որտեղ նեղուցից օգտվողները կամավոր ներդրումներ են կատարում՝ ֆինանսավորելու նավարկության անվտանգությունը, շրջակա միջավայրի պահպանությունը, ինչպես նաև որոնողափրկարարական աշխատանքները։
Միացյալ Նահանգները շաբաթավերջին անսպասելիորեն դադարեցրել է Իրանի դեմ իրականացվող օդային հարվածները, ինչը մեծացրել է դիվանագիտական լուծման հասնելու հույսերը։ Նման համաձայնության դեպքում հնարավոր կլինի վերականգնել նավագնացությունը Հորմուզի նեղուցում, որով մինչ հակամարտությունը տեղափոխվում էր համաշխարհային էներգակիրների մոտ մեկ հինգերորդը։
