azatutyun.am «Ուժեղ Հայաստան» խմբակցության պատգամավոր Նարեկ Կարապետյանն այսօր, անդրադառնալով հայկական երկաթուղու վերաբերյալ նախօրեին վարչապետ Նիկոլ Փաշինյանի հայտարարությանն, ասաց՝ «սրում է հարաբերությունները երկրների հետ»:
Ռուսաստանի նախագահի հետ հեռախոսազրույցից ընդամենը երեք օր անց Հայաստանի վարչապետն ուղիղ հայտարարում է՝ հայկական երկաթուղու կառավարումը ռուսական կողմից հետ վերցնելուն այլընտրանք չկա: Նիկոլ Փաշինյանը, որ նախկինում պնդում էր, թե Երևանը պայմանագրի միակողմանի չեղարկման պլան չունի ու Մոսկվայի թիկունքում քայլեր չի անի, այժմ ակնարկում է իրավական որոշումների մասին՝ առանց փակագծեր բացելու:
«Սրում է հարաբերությունները երկրների հետ այն ձևով ինչը բերեց պատերազմի: Սրված էր Ադրբեջանի հետ հարաբերությունները, բայց առիթ է տալիս: Մենք դեռ չենք մարսել էն մի թշնամուն, ինչո՞ւ է նոր թշնամի ստեղծում մեզ համար, թող պայմանավորվի, չի կարողանո՞ւմ պայմանավորվել, նախորդ անգամ էլ չէր կարողանում պայմանավորվել», – ասաց Նարեկ Կարապետյանը:
Նա նաև հավելեց. «Ինչ ով Փաշինյանի ծափ է տալիս, նույն մարդիկ ծափ էին տալիս 2020 թվականի պատերազմից առաջ: Չի կարելի աշխարհի հետ էմոցիայով խոսել»:
Շարունակությունը՝ սկզբնաղբյուր կայքում
