factor.am Վարչապետ Նիկոլ Փաշինյանի հուլիսի 30-ի և 31-ի որոշումներով յոթ պաշտոնյա ազատվել է զբաղեցրած պաշտոններից։
Պաշտոններից ազատվել են՝
- վարչապետի աշխատակազմի ղեկավարի տեղակալ Տարոն Չախոյանը,
- վարչապետի մամուլի քարտուղար Նազելի Բաղդասարյանը,
- վարչապետի խորհրդական Արամ Խաչատրյանը,
- Բնապահպանության և ընդերքի տեսչական մարմնի ղեկավարի տեղակալ Լևոն Լևոնյանը,
- Արարատի մարզպետի տեղակալ Վլադիմիր Խաչատրյանը։
Վարչապետի օգնական Դավիթ Գևորգյանը պաշտոնից ազատվել է հուլիսի 30-ից։
Մեկ այլ որոշմամբ՝ վարչապետի աշխատակազմի կարգավորման ազդեցության գնահատման վարչության պետ Գեղամ Թովմասյանը պաշտոնից կազատվի 2026 թվականի օգոստոսի 7-ից։
Նշենք, որ Տարոն Չախոյանը, Նազելի Բաղդասարյանը, Արամ Խաչատրյանը, Լևոն Լևոնյանը և Վլադիմիր Խաչատրյանը վերցնում են պատգամավորական մանդատները։
