azatutyun.am Եմենի հութիները հայտարարել են, որ Կարմիր ծովի հյուսիսում Սաուդյան Արաբիային պատկանող նավթատարի են հարվածել։ Շարժման ռազմական խոսնակը հայտնել է, որ Wafa նավթատարին բալիստիկ հրթիռներով «ճշգրիտ հարված» է հասցվել Յանբու նավահանգստի մոտ։
Ըստ նրա՝ նավթատարի վրա այս հարձակումը «Եմենի զինված ուժերի կողմից հարևան երկրի նկատմամբ ծովային շրջափակում սահմանելու որոշման իրականացման» մաս է։
«Այս վերջին հարձակումը ներառյալ հուլիսի 22-ին ծովային շրջափակման սկսվելուց ի վեր մեր ուժերի կողմից թիրախավորված սաուդյան նավթատարների ընդհանուր թիվը հասել է ութի»,- ասվում է նրա հայտարարությունում։
Իրանի աջակցությունը վայելող հութիներն ի պաշտպանություն Իրանի արդեն երկու շաբաթ փակել են Կարմիր և Արաբական ծովերն իրար կապող Բաբ էլ-Մանդեբի նեղուցը, որը, ինչպես Հորմուզի նեղուցը, մեկ այլ կարևորագույն առևտրային ուղի է։
