factor.am Ազգային ժողովի նիստում պատգամավոր Գարիկ Սարգսյանը ելույթ է ունեցել ԱԺ փոխնախագահի թեկնածու Արամ Վարդևանյանի ընտրության հարցի վերաբերյալ՝ անդրադառնալով նրա քաղաքական պատասխանատվությանը և մասնագիտական որակներին։
Սարգսյանն անդրադարձել է Վարդևանյանի՝ հարցերից խուսափելու ունակությանը՝ այն նմանեցնելով մարտարվեստի․ «Բոլոր մեր գործընկերների հարցադրումներին դուք տարբեր «պրիոմներ» էիք անում… «կարատեի մաստերկլաս» էիք ցույց տալիս»։
Պատգամավորը նաև մեջբերել է հանրային արձագանքները՝ թեկնածուին համեմատելով հայտնի ֆիլմի հերոսների հետ․ «Երեկոյան հիմնականում հանդիպել եմ «սատանայի փաստաբան» եզրույթին… Ես ուզում եմ մտածել, որ դուք դերասանական տաղանդով շատ մոտ եք Կիանու Ռիվզին և Ալ Պաչինոյին, և միայն զուտ այդ պատճառով են ձեզ համեմատում սատանայի փաստաբանի հետ»։
