Սննդամթերքի անվտանգության տեսչական մարմնի տեսուչները վերահսկողական միջոցառումներ են անցկացրել Լոռու մարզի Վանաձոր քաղաքում գործող «Հարատիդ» ՍՊԸ-ի գազավորված ոչ ալկոհոլային ըմպելիքների արտադրամասում (ապրանքանիշը՝ «Հարատիդ») և հայտնաբերել սանիտարահիգիենիկ բնույթի խախտումներ:
Մասնավորապես՝
– արտադրական շինությունների պատերի որոշ հատվածների վրա առկա է եղել բորբոս,
– առաստաղի որոշ հատվածներ պատրաստված չեն եղել այնպես, որ կանխարգելվի կեղտի կուտակումը, բորբոսի առաջացումը, առկա եէ եղել մասնիկների թափվելու վտանգ,
– շշալցման վաննաները, որոնք անմիջական շփման մեջ են գտնվում սննդամթերքի հետ, չեն պահվել նորոգ ու բարվոք վիճակում։
«Արտադրամասի արտադրական գործունեությունը կասեցվել է, սահմանվել է հայտնաբերված խախտումները վերացնելու ժամկետ»,- ասված է ՍԱՏՄ հաղորդագրության մեջ:
