azatutyun.am Միացյալ Նահանգները, Մեծ Բրիտանիան, Ճապոնիան, Հարավային Կորեան, Ուկրաինան և եվրոպական մի շարք երկրներ՝ ընդհանուր 41 պետություն, համատեղ հայտարարությամբ կոչ են արել առնվազն մեկ օր առաջ տեղեկացնել միջմայրցամաքային և սուզանավերից արձակվող բալիստիկ հրթիռների, ինչպես նաև հրթիռակիրների արձակումների մասին։
ԱՄՆ-ի՝ Ժնևում ՄԱԿ-ին առընթեր մշտական ներկայացուցչության հրապարակած հայտարարության հեղինակների գնահատմամբ՝ նման հրթիռների փորձարկումներն առանց նախնական ծանուցման մեծացնում են սխալ հաշվարկների և լարվածության սրման վտանգը։
Նրանք առաջարկում են արձակումներից առնվազն 24 ժամ առաջ տեղեկացնել հրթիռի տեսակի, արձակման վայրի, ժամանակի և թռիչքի ուղղության մասին, ինչպես նաև նախապես զգուշացնել ավիացիային և նավագնացությանը հնարավոր վտանգավոր գոտիների վերաբերյալ։
Հայտարարության մեջ նշվում է, որ այդ քայլերը չեն սահմանափակի պետությունների ռազմական հնարավորությունները, այլ կնվազեցնեն թյուրիմացությունների և չնախատեսված էսկալացիայի ռիսկը։
Շարունակությունը՝ սկզբնաղբյուր կայքում
