factor.am ՌԴ Օրենբուրգի մարզի իշխանությունները վառելիքի վաճառքի սահմանափակումներ են մտցրել՝ արտակարգ ծառայությունների աշխատանքը նախկին մակարդակով ապահովելու համար, հայտարարել է նահանգապետ Եվգենի Սոլնցևը, փոխանցում է BBC-ի ռուսական ծառայությունը։
Օգոստոսի 12-ին, ժամը 12:00-ից սկսած, մարզի բենզալցակայաններին արգելվել է վառելիք վաճառել տարաներով, ինչպես նաև սահմանափակվել է մեկ հաճախորդի համար նախատեսված վառելիքի քանակը։
Սոլնցևը նաև հայտնել է, որ մարզի արդյունաբերական ձեռնարկություններից մեկի տարածքում հրդեհ է բռնկվել «անօդաչու թռչող սարքի բեկորների անկման հետևանքով»։ Ուկրաինայի զինված ուժերի գլխավոր շտաբը հստակեցրել է, որ խոսքն Օրսկի «Օրսկնեֆտեօրգսինտեզ» նավթավերամշակման գործարանի մասին է, որտեղ անօդաչու թռչող սարքի հարվածի հետևանքով հրդեհ է բռնկվել։
