azatutyun.am Աֆղանստանի արևելքում գտնվող մասնավոր տան այգում հայտնաբերվել է խորհրդային ժամանակաշրջանի 500 կիլոգրամանոց չպայթած ռումբ։ Լուրը հաղորդում է ոստիկանությունը՝ հավելելով, որ բնակիչը «իր բակում գտնվող այգում կասկածելի առարկա» է հայտնաբերել։
ՄԱԿ-ի ականազերծման ծառայության տվյալներով՝ 1989 թվականին խորհրդային զորքերի դուրսբերումից հետո Աֆղանստանում պատերազմի մնացորդային պայթուցիկների և ականների հետևանքով զոհվել կամ վիրավորվել է ավելի քան 45 հազար մարդ։
Չնայած ամբողջ երկրում դեռևս պահպանվում է չպայթած զինամթերքի մեծ քանակ, խնդրի լուծմամբ զբաղվող խմբերի թիվը վերջին երկու տարում 64 տոկոսով կրճատվել է։
