azatutyun.am ՆԱՏՕ-ի F-18 կործանիչը Ռումինիայի օդային տարածքը խախտած անհայտ անօդաչու թռչող սարք է խոցել։ Այս մասին հայտնել է երկրի ազգային պաշտպանության նախարարությունը։
Մոլդովայի պաշտպանության նախարարությունը նույնպես հայտնել է միջադեպի մասին։ Նրանց տվյալներով՝ անօդաչու թռչող սարքը Մոլդովայի օդային տարածք է մտել ժամը 04:31-ի սահմաններում՝ թռել է մի քանի բնակավայրերի վրայով և 20 րոպե հետո անցել է Ռումինիայի օդային տարածք։ Մոլդովայի պաշտպանության նախարարությունը կարծում է, որ անօդաչու թռչող սարքը մասնակցել է ռուսական բանակի կողմից Ուկրաինայի հրետակոծությանը։
Reuters-ի փոխանցմամբ՝ ՆԱՏՕ-ի խոսնակ Մարտին Օ’Դոնելը ասել է, որ զինվորականները դեռևս հետաքննում են միջադեպի հանգամանքները, բայց ըստ նրա, անօդաչու թռչող սարքը պատկանում է Ռուսաստանին։
Ուկրաինայի Օդեսայի մարզի իշխանությունները հայտնել են ռուսական ուժերի կողմից գիշերային հարձակման մասին։
Շարունակությունը՝ սկզբնաղբյուր կայքում
