azatutyun.am Եմենի տարածքի մի մասը վերահսկող իրանամետ հութիներն այսօր հայտարարել են Կարմիր ծովում սաուդյան ռազմանավի խոցման մասին։
«Մի քանի բալիստիկ հրթիռներ կիրառելով՝ մեզ հաջողվել է խոցել սաուդյան թշնամուն պատկանող ռազմա-դեսանտային նավերից մեկը։ Խոցման պահին այն գտնվում էր Կարմիր ծովի Մոխա նավահանգստի մոտ՝ չորս ռազմական պարեկային նավերի ուղեկցությամբ»,- AFP-ի փոխանցմամբ հայտարարել է հութիների պաշտոնական ներկայացուցիչ Յահյա Սարին։
Սաուդյան Արաբիան հութիների պնդումները դեռ չի հաստատել։
