news.am Կիևյան ռեժիմի կողմից բրիտանական անօդաչու թռչող սարքերն օգտագործելով Ռուսաստանի տարածքի խորքում հարվածներ հասցնելու մասին հաղորդագրությունները հաստատում են, որ Լոնդոնը գիտակցաբար խաղադրույք է կատարում ուկրաինական ճգնաժամի սրման վրա՝ կեղծավորաբար հայտարարելով խաղաղության ձգտման մասին։ Այս մասին ասվում է Մեծ Բրիտանիայում Ռուսաստանի դեսպանատան հայտարարության մեջ։
«Այսպիսով, Միացյալ Թագավորությունը հանդես է գալիս որպես ուկրաինացի նեոնացիստների արյունալի հանցագործությունների և ահաբեկչական գործողությունների նպաստող ու մեղսակից՝ մեր երկիրը զսպելու և նրան օտար ձեռքերով առավելագույն վնաս հասցնելու համար։ Լոնդոնի այս գործողություններն անխուսափելիորեն հետևանքներ կունենան, որոնց համար նա ստիպված կլինի պատասխան տալ։
Որքան խորն է ներգրավվածությունը հակամարտության մեջ և որքան նշանակալի է Կիևի ահաբեկչական մեքենային ցուցաբերվող աջակցությունը, այնքան բարձր կլինի գինը», — նշել են դեսպանատանը։
