ԱԺ եվրոպական ինտեգրման մշտական հանձնաժողովի նախագահի թեկնածու Արեգա Հովսեփյանի ելույթից հետո ԱԺ փոխնախագահ Վահագն Ալեքսանյանը մեկնաբանություն թողեց մինչև հաջորդ հարցի քննարկմանն անցնելը: Սա ընդդիմադիր մի շարք պատգամավորների վրդովմունքի պատճառ դարձավ: Նրանք պնդում էին, որ նիստը վարողը պետք է պարզապես վարի նիստը և ամեն ելույթից հետո մեկնաբանություն չթողնի:
Լեզվակռվից հետո Ալեքսանյանը նախազգուշացում հայտարարեց «Ուժեղ Հայաստան»-ից Տիգրան Աբրահամյանին և կարգապահական պատասխանատվություն կիրառեց նույն խմբակցությունից Դավիթ Ղազինյանի նկատմամբ՝ մինչև օրվա նիստերի ավարտը հեռացնելով դահլիճից: Իրավապահների՝ դահլիճ մտնելուց հետո ընդդիմադիր բոլոր պատգամավորները բոյկոտեցին նիստը և լքեցին նիստերի դահլիճը:
