azatutyun.am Ադրբեջանը դատի է տվել CNN-ին՝ ամերիկյան լրատվամիջոցին մեղադրելով զրպարտության համար: Բաքուն պնդում է, թե CNN-ը կեղծ տեղեկություններ է տարածել՝ գրելով, որ Ադրբեջանն Իսրայելին թույլատրել է իր տարածքն օգտագործել Իրանի դեմ ռազմական գործողությունների համար:
Դելավերի դատարան ներկայացված հայցը, Bloomberg-ի հաղորդմամբ, վերաբերում է հունիսին CNN-ի հրապարակած հոդվածին, ըստ որի՝ Իսրայելը հատուկջոկատայիններ էր ուղարկել Ադրբեջան՝ հետախուզություն իրականացնելու և հարձակումներ գործելու համար: Դրանց շարքում էր մարտի 4-ի հարձակումը, որի հետևանքով սպանվել էր Իրանի Իսլամական հեղափոխության պահապանների կորպուսի (ԻՀՊԿ) հետախուզության պետը:
Ըստ պաշտոնական Բաքվի՝ այս հոդվածն «անպատասխանատու կերպով սրել է աշխարհաքաղաքական լարվածությունն առանց այդ էլ տագնապալի տարածաշրջանում»՝ խաթարելով Ադրբեջանի չեզոք դիրքորոշումը և վատթարացնելով Իրանի հետ հարաբերությունները:
Շարունակությունը՝ սկզբնաղբյուր կայքում
