azatutyun.am Ղազախստանի առաջին նախագահ Նուրսուլթան Նազարբաևը զրկվել է օրենսդրորեն ամրագրված ևս մեկ արտոնությունից՝ արտաքին քաղաքական հարցերին վերաբերող նախաձեռնություններով հանդես գալու իրավունքից։ Դա են վկայում «Ղազախստանի արտաքին քաղաքականության 2020-2030 թվականների հայեցակարգ» օրենքում կատարված փոփոխությունները, որոնք ստորագրվել են երկրի նախագահ Կասիմ-Ժոմարտ Տոկաևի կողմից։
1990-2019 թվականներին երկիրը ղեկավարած Նազարբաևը նախկինում «Ղազախստանի առաջին նախագահի մասին» օրենքի համաձայն մի շարք ցմահ արտոնություններով էր օժտված, այդ թվում՝ «Ղազախստանի ժողովրդին արտաքին հարաբերություններին վերաբերող հարցերով ուղղակիորեն դիմելու իրավունքով»։
