ՀՀ կառավարության շենքի դիմաց բողոքի ակցիա են իրականացնում Վարդաշենի հանրակացարանների բնակիչները՝ պահանջելով վթարային շենքերից իրենց դուրս բերել և ապահովել բնակարաններով։
Իրավիճակը լարվել է, երբ ոստիկանները բերման են ենթարկել մեկ քաղաքացու, ով ապտակել է ոստիկաններից մեկին այն պահին, երբ վերջինս խոսում էր իր մոր հետ:
Ավելի ուշ քաղաքացիներից մեկը հայտնել է, որ բերման ենթարկված քաղաքացին առողջական խնդիրներ ունի:
«Սպուտնիկ Արմենիա»-ին հայտնել են ՆԳՆ ոստիկանությունից հայտնել են, որ ակցիայի ժամանակ բերման ենթարկված տղամարդը ձերբակալվել է:
«Ակցիայի ժամանակ տղամարդը հարվածել է ոստիկանին, ինչը հստակ երևում է նաև ԶԼՄ–ների տեսանյութերում։ Տղամարդը ձերբակալվել է և տեղափոխվել ոստիկանության համայնքային բաժին»,- նշել են ոստիկանությունից։
