azatutyun.am Ազգային ժողովում երկուշաբթի օրը՝ օգոստոսի 24-ին, կքննարկի կառավարության գործունեության ծրագիրը:
ԱԺ փոխնախագահ Հայկ Կոնջորյանը տեղեկացրեց. «Կառավարության ծրագիրը քննարկելուց ու ավարտելուց հետո մենք կվերսկսենք այն կիսատ մնացած օրակարգային հարցերը, որոնք մինչ այդ չենք հասցնի քննարկել»:
Սա, ըստ էության, նշանակում է, որ եթե նույնիսկ հանձնաժողովի նախագահների ընտրության հարցն այսօր չավարտվի, ապա դա կշարունակեն քննարկել արդեն կառավարության գործունեության ծրագրի քննարկումից հետո:
Խորհրդարանն այժմ քննարկում է Ֆինանսավարկային և բյուջետային հարցերի մշտական հանձնաժողովի նախագահի պաշտոնում «Ուժեղ Հայաստանի» մեկ այլ թեկնածուի ընտրության հարցը: Այս պաշտոնում ընդդիմադիր խմբակցությունը նախօրեին ներկայացրեց Լիաննա Մանուկյանի թեկնածությունը:
