pastinfo.am ՌԴ Անվտանգության խորհրդի փոխնախագահ Դմիտրի Մեդվեդևը կոշտ հայտարարությամբ է հանդես եկել Հայաստանի ներկայիս իշխանությունների հասցեին՝ անդրադառնալով Երևանի արտաքին քաղաքական ուղղությանը։ Այս մասին հայտնում է ՏԱՍՍ լրատվական գործակալությունը։
ՏԱՍՍ-ին տված մեկնաբանությունում Մեդվեդևը հայտարարել է, որ, իր գնահատմամբ, Հայաստանի գործող իշխանությունների նկատմամբ ներկայում կիրառելի է միայն մեկ կանոն՝ «խոզերի առաջ մարգարիտներ մի՛ նետեք»։
Ռուսաստանցի պաշտոնյան նաև պնդել է, որ Հայաստանը չի անդամակցի Եվրամիությանը, մինչդեռ եվրոպական ինտեգրման ուղղությամբ տարվող քաղաքականությունը կարող է երկարաժամկետ վնաս հասցնել Ռուսաստանի և Եվրասիական տնտեսական միության մյուս երկրների հետ Երևանի հարաբերություններին։
