factor.am Հունաստանի ռազմաօդային ուժերը թուրքական անօդաչու թռչող սարք են որսացել այն բանից հետո, երբ Անկարան դժգոհություն է արտահայտել Հռոդոսում անօդաչու սարքերի բազա ստեղծելու Աթենքի մտադրությունների վերաբերյալ, գրում է Euronews-ը։
Հունաստանի ռազմաօդային ուժերն անհապաղ պատրաստության վիճակի են բերվել, երբ հայտնաբերվել է թուրքական անօդաչու թռչող սարք, որը մուտք է գործել Աթենքի թռիչքային տեղեկատվության գոտի և խախտել ազգային օդային տարածքը։
Ըստ տեղեկությունների՝ թուրքական անօդաչուն թռչում էր Սամոթրակիի և Լիմնոսի միջև ընկած ջրերի վրայով, ինչը հանգեցրել է հսկողության և որսման ընթացակարգերի անհապաղ ակտիվացման։
Հունաստանն արձագանքել է․ ռազմաօդային ուժերի F-16 երկու կործանիչ է օդ բարձրացել՝ թուրքական անօդաչուն հայտնաբերելու, նույնականացնելու և որսալու առաջադրանքով։
Հատկապես մտահոգություն է առաջացրել, որ թուրքական անօդաչուն մոտեցել է Ալեքսանդրուպոլիսի օդանավակայանի օդային միջանցքի վերջնամասին հարող գոտուն՝ այն պահին, երբ «Aegean» ավիաընկերության ուղևորատար ինքնաթիռը պատրաստվում էր թռիչքի։
Շարունակությունը՝ սկզբնաղբյուր կայքում
