azatutyun.am Ռոստովի մարզում ուկրաինական անօդաչու թռչող սարքերի հարվածների հետևանքով, ըստ իշխանությունների, վիրավորվել է յոթ մարդ։ Հարվածել են OZON-ին և DNS առցանց խանութին պատկանող պահեստներին, վնասվել են նաև բնակելի շենքեր։
OZON-ի մամուլի ծառայությունը հաստատել է, որ ԱԹՍ-ը հարվածել է Աքսայի իրենց պահեստին։ Ընկերությունը պնդում է, որ աշխատողները նախապես տարհանվել են, վիրավորներ չկան, և «փոքր հրդեհը» անմիջապես մարվել է։ Սակայն պահեստը «ժամանակավորապես դադարեցրել է գործունեությունը» և դեռևս չի ընդունում առաքումներ:
Նահանգապետ Սլյուսարի խոսքով՝ Դոնի Ռոստովում անօդաչու թռչող սարքի հարձակումից հետո հոսպիտալացվել է չորս մարդ, այդ թվում՝ երկու երեխա, որոնցից մեկը ծանր վիճակում է: Քաղաքի Պրոլետարսկի շրջանում իշխանությունները հայտնել են, որ վնասվել է երկու բնակելի շենք: Բնակիչները տարհանվում են, և ստեղծվել է ժամանակավոր կացարան:
Անօդաչու թռչող սարքերը հարձակվել են նաև Բելգորոդի մարզի վրա օգոստոսի 28-ի երեկոյան:
Շարունակությունը՝ սկզբնաղբյուր կայքում
