news.am Պերուն դատապարտել է Իրանի քաղաքականությունը և խզել դիվանագիտական հարաբերությունները այդ երկրի հետ, ասվում է լատինաամերիկյան երկրի ԱԳՆ-ի հաղորդագրության մեջ։
«Հիմնվելով խաղաղության նկատմամբ պատմական հանձնառության … ինչպես նաև միջազգային իրավունքի հարգման և ժողովրդավարության պաշտպանության վրա՝ Պերուի Հանրապետության կառավարությունը որոշում է ընդունել խզել դիվանագիտական հարաբերությունները Իրանի Իսլամական Հանրապետության հետ», — ասվում է հաղորդագրության մեջ։
ԱԳՆ-ն նշել է, որ Պերուն խոր մտահոգությամբ հետևում է Իրանի կողմից Հորմուզի նեղուցի նկատմամբ կիրառվող խիստ սահմանափակումներին, որոնք, այդ երկրի կարծիքով, հանգեցրել են միջազգային առևտրի խաթարմանը։
Բացի այդ, Պերուն դատապարտել է նաև ԱԷՄԳ-ի աշխատանքի խոչընդոտումը, որի տեսուչներին բազմիցս մերժվել է մուտքը միջուկային օբյեկտներ։
Չնայած դիվանագիտական հարաբերությունների խզմանը՝ լատինաամերիկյան երկիրը մտադիր է շարունակել քաղաքացիներին հյուպատոսական ծառայություններ մատուցելը։
