Փրկարար ծառայության տնօրեն-ՆԳ նախարարի տեղակալ Արամ Ղազարյանը ուղերձ է հղել Փրկարարի օրվա առիթով, որում ասվում է․
«Հարգելի՛ գործընկերներ, փրկարարական ծառայողներ, հարգարժան վետերաննե՛ր, շնորհավորում եմ մասնագիտական տոնի` Փրկարարի օրվա առթիվ:
Փրկարարի բարդ աշխատանքը կապված է մշտական ռիսկի հետ, որը պահանջում է տոկունություն, պրոֆեսիոնալիզմ ու դժվարին պայքար բնության տարերքի, արտակարգ իրավիճակների և աղետների դեմ։
Անկախ եղանակային և այլ պայմաններից՝ դուք միշտ առաջինն եք այնտեղ, որտեղ վտանգավոր իրավիճակներում հայտնված մարդկանց օգնելու, մարդկային կյանքեր փրկելու ձեր պրոֆեսիոնալիզմի անհրաժեշտությունը կա: Ուստի ձեր ծառայությունը մարդասիրական առաքելություն է, և դա հաստատողը հենց դուք եք՝ ձեր ամենօրյա անտրտունջ, անձնուրաց աշխատանքով, երբեմն նաև ձեր կյանքի վտանգման գնով այլ կյանքեր փրկելու պատրաստակամությամբ:
Շնորհակալություն ձեզ՝ անձնվեր ու բարեխիղճ ծառայության համար։
Մնացեք հավատարիմ ձեր պատվաբեր կոչմանը:
Առանձնահատուկ շնորհակալություն ծառայողական պարտականությունները կատարելիս զոհված փրկարարների ընտանիքներին։
Կրկին շնորհավորում եմ մասնագիտական տոնի առթիվ՝ մաղթելով անփորձանք ծառայություն, անձնական երջանկություն և նորանոր ձեռքբերումներ»:
