azatutyun.am Կրեմլն այսօր հայտարարել է, որ Ուկրաինայում խաղաղության համաձայնության հասնելու հնարավորությունը պահպանվում է, սակայն այս պահին դրա համար կոնկրետ հիմքեր չկան։
Միաժամանակ, Կրեմլը հրաժարվել է հաստատել, թե արդյոք ԱՄՆ բանագնացները Սթիվ Ուիթքոֆը և Ջարեդ Քուշները առաջիկա օրերին նախատեսում են այցելել Մոսկվա։
Լրագրողների հարցին, թե ինչ կարող է ասել այն տեղեկությունների մասին, որ բանագնացները հանգստյան օրերին նախատեսում են այցելել Ռուսաստան և Ուկրաինա՝ խաղաղության շուրջ բանակցություններ վարելու նպատակով, Կրեմլի խոսնակ Դմիտրի Պեսկովը պատասխանել է, որ ցանկացած շփման մասին կհայտարարվի այն ժամանակ, երբ դրանք տեղի ունենան։
