factor.am ՌԴ նախագահ Վլադիմիր Պուտինն ու Ադրբեջանի նախագահ Իլհամ Ալիևը հեռախոսազրույց են ունեցել։ Այս մասին հայտնում են Կրեմլից։ Ըստ տարածված հաղորդագրության՝ զրույցը տեղի է ունեցել ռուսական կողմի նախաձեռնությամբ։
«Հեռախոսազրույցի ընթացքում Ռուսաստանի Դաշնության նախագահ Վլադիմիր Պուտինը և Ադրբեջանի Հանրապետության նախագահ Իլհամ Ալիևը քննարկել են առևտրատնտեսական և հումանիտար համագործակցության մի շարք ակտուալ հարցեր։ Պայմանավորվածություն է ձեռք բերվել ակտիվացնել երկկողմ շփումները տարբեր մակարդակներում»,-ասվում է հաղորդագրության մեջ։
Ադրբեջանի նախագահի մամուլի ծառայությունը նույնաբովանդակ հայտարարություն է տարածել՝ ընդգծելով, որ սեպտեմբերի 7-ին Վլադիմիր Պուտինն է զանգահարել Իլհամ Ալիևին։
