Մեկնարկել է Փաշինյան-Մակրոն հանդիպումը

Մեկնարկել է ՀՀ վարչապետ Նիկոլ Փաշինյանի և Ֆրանսիայի նախագահ Էմանուել Մակրոնի հանդիպումը Ելիսեյան պալատում։ Այս մասին հայտնել է վարչապետի մամուլի խոսնակ Մելանյա Հարությունյանը։

Հիշեցնենք, որ Նիկոլ Փաշինյանը երկօրյա աշխատանքային այցով մեկնել է Ֆրանսիա: Փարիզում նա կմասնակցի Միջազգային տիեզերական գագաթնաժողովին:

Փաշինյանը իր ֆեյսբուքյան էջում հայտնել է, որ նախատեսված է նաև հանդիպում նախագահ Էմանուել Մակրոնի հետ: