azatutyun.am Իրանի նախագահ Մասուդ Փեզեշքիանը հայտարարել է, որ կողմ չէ պատերազմի շարունակմանը, սակայն երկիրը պետք է ուժեղացնի դիմադրողականությունը ապագա հնարավոր մարտահրավերներին դիմակայելու համար, որպեսզի ստիպված չլինեն «թշնամու հետ բանակցել այլ դիրքերից», հաղորդում է ISNA լրատվական գործակալությունը:
«Ես կողմ չեմ պատերազմի շարունակմանը, բայց մենք պետք է ամրապնդենք երկրի դիմադրողականությունը առաջիկա զարգացումներին ընդառաջ», – Իրանի առաջատար համալսարանների ղեկավարների հետ հանդիպմանն ասել է նա:
Փեզեշքիանը նշել է, որ համալսարանները պետք է օգնեն կառավարությանը «տնտեսության, կառավարման, մշակույթի, գրականության և բոլոր ոլորտներում»։ Նրա խոսքով՝ կառավարությունը պետք է օգտվի Z սերնդի (1997-ից 2012-ը ծնվածները) ուսանողների օգնությունից:
«Մենք պետք է համոզվենք, որ նրանք բողոքի ակցիաներով զբաղվելու փոխարեն զբաղվեն խնդիրներ լուծելով», – ասել է նա՝ հավելելով, որ որպես նախագահ՝ ինքը «քաղաքական որևէ կապ չունի որևէ մեկի հետ». – «Ես ընդունում եմ ցանկացած օգնություն նրանցից, ովքեր մեզ օգնում են լուծել երկրի խնդիրները՝ անկախ քաղաքական տեսակետից»։
Շարունակությունը՝ սկզբնաղբյուր կայքում
