news.am Շվեդիայում խորհրդարանական ընտրություններում ընդդիմադիր ձախ դաշինքը առաջատար է 49,4% ձայներով, իսկ իշխանական աջ դաշինքը՝ 49,1%, վկայում են պետական ընտրական հանձնաժողովի տվյալները։
Շվեդիայում խորհրդարանական ընտրությունների քվեարկությունը տեղի է ունեցել կիրակի օրը։ Տեղական ժամանակով ժամը 20:00-ին ընտրատեղամասերը փակվել են։
Ընտրական հանձնաժողովի նախնական տվյալների համաձայն՝ ընդդիմադիր ձախակենտրոն դաշինքը առաջատար է 49,4% ձայներով՝ 6,1 հազար ընտրատեղամասերից ստացված քվեաթերթիկների հաշվարկից հետո (ընդհանուր առմամբ՝ մոտ 6,6 հազար ընտրատեղամաս), իսկ իշխանական աջ դաշինքը ստացել է 49,1%։
Նախնական տվյալներով մասնակցությունը կազմել է 80,4%։
Ընդդիմադիր ձախակենտրոն դաշինքի կազմում են Շվեդիայի սոցիալ-դեմոկրատական աշխատավորական կուսակցությունը՝ նախկին վարչապետ Մագդալենա Անդերսսոնի գլխավորությամբ, Ձախ կուսակցությունը, Կենտրոնի կուսակցությունը և Շրջակա միջավայրի պահպանության կուսակցությունը (կանաչներ)։
Աջ դաշինքի կազմում են Չափավոր կոալիցիոն կուսակցությունը՝ վարչապետ Ուլֆ Կրիստերսսոնի գլխավորությամբ, «Քրիստոնյա դեմոկրատները», «Լիբերալները» և կառավարությանը աջակցող աջ պոպուլիստական «Շվեդ դեմոկրատներ» կուսակցությունը, որը դաշինքի հաղթանակի դեպքում կարող է առաջին անգամ տեղեր ստանալ կառավարությունում։
