factor.am Օմանը հայտնել է, որ ստիպված է եղել հետաձգել այսօր նախատեսված հանդիպումը Իրանի և տարածաշրջանի այլ երկրների հետ՝ Հորմուզի նեղուցի հարցը քննարկելու նպատակով, գրում է France 24-ը։
Իրանը հայտարարել էր, որ տարածաշրջանի երկրների արտաքին գործերի նախարարները կհանդիպեն Օմանում՝ քննարկելու Իրանի և նեղուցի մյուս ափին գտնվող Օմանի ջանքերը՝ նեղուցով նավարկությունը կարգավորելու համար։ Սակայն Օմանի արտաքին գործերի նախարար Բադր Ալբուսաիդին կիրակի ուշ երեկոյան X-ում հայտնել է, որ հանդիպումը հետաձգվել է՝ «կոնսենսուսի հասնելու շահերից ելնելով»։
Իրանի և Օմանի միջև բանակցությունները հետաձգվել են «տարածաշրջանի որոշ երկրների խնդրանքով»։ Այս մասին X-ում իրանական IRNA-ի հաղորդմամբ, նշել է Իրանի արտաքին գործերի նախարարության պաշտոնյա Մոհամմադ Ալի Բաքը։
Պարսից ծոցի երկրներից մեկի պաշտոնյան անանունության պայմանով AP-ին հայտնել է, որ Սաուդյան Արաբիան փոփոխություններ է առաջարկել Իրանի և Օմանի միջև համաձայնագրում՝ մտահոգություն հայտնելով, որ ձևավորվող գործարքը կարող է երկարաժամկետ հետևանքներ ունենալ Հորմուզի նեղուցի համար և բացասաբար անդրադառնալ Պարսից ծոցի համագործակցության խորհրդի մյուս երկրների վրա։
Շարունակությունը՝ սկզբնաղբյուր կայքում
