2026 թվականի օգոստոսին Հայաստան է այցելել 227 հազար 26 զբոսաշրջիկ։ Այս մասին հայտնում է ՀՀ Զբոսաշրջության կոմիտեն։
«Կոմիտեի տվյալներով՝ 2026 թվականի հունվար-օգոստոսին Հայաստան կատարված զբոսաշրջային այցելությունների ընդհանուր թիվը կազմել է շուրջ 1 միլիոն 467 հազար 333։
Տարվա առաջին ութ ամիսներին դեպի Հայաստան առավել շատ զբոսաշրջային այցելություններ գրանցվել են Ռուսաստանից՝ ընդհանուրի 40 տոկոսը։ Երկրորդ տեղում Վրաստանն է՝ 14 տոկոսով, երրորդում՝ Իրանը՝ 8 տոկոսով։
Զբոսաշրջության կոմիտեն հրապարակել է նաև հունվար-օգոստոսին Հայաստան առավել շատ զբոսաշրջային այցելություններ գրանցած երկրների վերաբերյալ տվյալները՝ ներառյալ ՀՀ սահմանային անցման կետերով այցելությունները, ինչպես նաև զբոսաշրջիկների բաշխումն ըստ սեռի և տարիքի»,- նշված է հաղորդագրությունում։
