azatutyun.am Գերմանիայի Հանովեր քաղաքի մոտակայքում կործանված անօդաչու թռչող սարքի մնացորդներ են հայտնաբերվել: NDR-ի տվյալներով՝ բեկորները հայտնաբերվել են Շտայնհուդեր լճի մոտ, հայտնում է «Ազատության» ռուսական ծառայությունը:
Ոստիկանությունը հայտնաբերման մասին հաղորդում է ստացել սեպտեմբերի 14-ին և շարունակում է անօդաչուի մյուս մասերի որոնումները մեծ ու անմարդաբնակ տարածքում:
Bild թերթի տվյալներով՝ վթարի վայրը գտնվում է Վունշտորֆի ռազմական օդանավակայանից մոտ մեկ կիլոմետր հեռավորության վրա, որտեղ տեղակայված են Գերմանիայի ռազմաօդային ուժերի Airbus A400M ռազմական տրանսպորտային ինքնաթիռները։
Դեռ հայտնի չէ, թե ում է պատկանում անօդաչուն և ինչու է այն եղել ռազմական օբյեկտի մոտ։ Ոստիկանությունը հետաքննում է հանգամանքները։
Օգոստոսին Լայպցիգի օդանավակայանում հայտնաբերվել էին մի քանի անօդաչուներ, որոնցից մեկը զինված էր պայթուցիկներով և գտնվում էր զինամթերք տեղափոխող ուկրաինական Ան-124 տրանսպորտային ինքնաթիռի մոտակայքում։
Շարունակությունը՝ սկզբնաղբյուր կայքում
