tert.am Եթե մենք ամեն ինչին արձագանքենք այնպես, ինչպես սովորաբար միշտ արձագանքել ենք, շատ արագ կհայտնվենք կոնֆլիկտի և պատերազմի հորձանուտում, այս մասին Բուն TV-ի «Երրորդ ժամկետ» հաղորդաշարի ժամանակ ասել է Նիկոլ Փաշինյանը՝ խոսելով Ադրբեջանից եկող հայտարարություններին պատասխանելու մասին:
«Մենք պետք է փորձենք պայմանավորել մեր շուրջ իրավիճակը, ոչ թե լինենք անընդհատ արձագանքողի դերում, ամեն օր Ադրբեջանից էլ, Ռուսաստանից էլ, Թուրքիայից էլ կարող են հնչել տարբեր հայտարարություններ, դա կվերածվի քաոսի, եթե մենք ամեն օր ամեն հայտարարության հետ կապված մեր քաղաքականությունը վերանայենք»,-նշել է նա։
