arm.sputniknews.ru Ադրբեջանում պահվող հայ գերիների վերադարձի առումով մեծ անելիք կա հանրային, միջազգային իրավական գործիքակազմի իրացման տեսանկյունից։ Sputnik Արմենիայի հետ զրույցում այս տեսակետը հայտնեց իրավաբան, ՀՀ ԱԺ փոխխոսնակ Արամ Վարդևանյանը` նշելով, որ խոսքը նաև դիվանագիտական բաղադրիչի մասին է։
«Չեմ կարծում, որ միջազգային հանրության համար կարող է որևէ կերպ ընդունելի լինել այն հակամարդասիրական, հակամարդկային, դաժան, մի շարք կոնվենցիաների հակասող վարքագիծը, որը կա Ադրբեջանում, այդ թվում` Ռուբեն Վարդանյանի նկատմամբ։ Բաքվի վարքագիծը ակնհայտ ցույց է տալիս՝ այնտեղ չկա ժողովրդավարություն, մարդու իրավունքների, ինչպես նաև համամարդկային մարդասիրական արժեքների նկատմամբ հարգանք։ Դրան պետք է լինի պատշաճ արձագանք։ Պետք է դիմել միջազգային ատյաններին նույնիսկ դրանց դանդաղկոտության պայմաններում և հետևողական լինել այդ ուղղությամբ»,- ասաց Վարդևանյանը։
Նրա խոսքով՝ միջազգային արտաքին դիվանագիտական և քաղաքական գործիքները պետք է ավելի մեծ թափով օգտագործվեն։ Ըստ ԱԺ փոխխոսնակի՝ դա որոշակի առումով կարող է կարևոր և բեկումնային լինել։
Հարցին, թե ինչ գործողություններ են պատրաստվում իրականացնել գերիների վերադարձի հետ կապված, Վարդևանյանը վստահեցրեց՝ առաջիկայում հանրությունը կտեսնի իրենց քայլերն այդ ուղղությամբ։
Շարունակությունը՝ սկզբնաղբյուր կայքում
