azatutyun.am Իրավապաշտպանները նույնականացրել են Ուկրաինայի 555 քաղաքացու, որոնց դեմ Ռուսաստանը քրեական գործ է հարուցել՝ պետական անվտանգության դեմ ուղղված հանցագործությունների մեղադրանքով, տեղեկացնում է «Ազատության» ռուսական ծառայությունը:
Ուսումնասիրությունը կատարել են ռուսական «Պերվի օտդել» (Первый отдел) իրավապաշտպան նախագիծն ու Parubets Analytics անկախ վերլուծական կենտրոնը, որը հետազոտություններ է անցկացնում քաղաքական բռնաճնշումների, պատերազմի, ռազմական հանցագործությունների և մարդու իրավունքների խախտումների վերաբերյալ։
Ըստ ուսումնասիրության՝ ուկրաինացիների դեմ հարուցված քրեական գործերի իրական թիվն ավելի բարձր է, քանի որ շատ գործեր փակ են, իսկ դատական արձանագրությունները հրապարակվում են առանց անձնական տվյալների:
Պետական դավաճանության մեղադրանք է առաջադրվել Ռուսաստանի քաղաքացիություն ստացած 325 ուկրաինացու։ 199-ին մեղադրանք է առաջադրվել լրտեսության, 18-ին՝ օտարերկրյա պետության հետ գաղտնի համագործակցության, իսկ ութին՝ թշնամուն օգնելու համար։
Իրավապաշտպաններին հաջողվել է հաստատել 323 անձի առաջադրված մեղադրանքները։ Նրանց կեսից ավելին (176 անձ կամ 54.5%), ինչպես նշվում է, կապված են եղել տեղեկություններ հավաքելու և ուկրաինական կողմին փոխանցելու մեղադրանքների հետ։
Շարունակությունը՝ սկզբնաղբյուր կայքում
