«Մայր Հայաստան» կուսակցության վարչության անդամ Արեգնազ Մանուկյանի խափանման միջոցը փոխարինվել է տնային կալանքով։ Տեղեկությունը հայտնում է նրա պաշտպան Տաթևիկ Սողոյանը։
«Պաշտպանության կողմի միջնորդության հիման վրա Արեգնազ Մանուկյանի խափանման միջոցը փոխվեց տնային կալանքի` այլ անձանց հետ շփման արգելքով: Դատական նիստից հետո տիկին Մանուկյանը կգնա տուն»,– գրել է փաստաբանը ֆեյսբուքյան էջում:
Հիշեցնենք՝ ըստ ՔԿ-ի՝ Մանուկյանը մեղադրվում է պետական գաղտնիք հրապարակելու մեջ։ Նա 2 ամսով կալանավորվել էր հուլիսի 9-ին։
