Հանրապետության նախագահ Վահագն Խաչատուրյանը շնորհավորական ուղերձ է հղել Զույգ սրբավայրերի պահապան,Սաուդյան Արաբիայի Թագավորության թագավոր Սալման Բին Աբդ Ալ Ազիզ Ալ Սաուդին Ազգային տոնի կապակցությամբ: Այս մասին հայտնում են նախագահի աշխատակազմից։
«Ուրախությամբ եմ արձանագրում, որ Հայաստանի Հանրապետության և Սաուդյան Արաբիայի Թագավորության միջև դիվանագիտական հարաբերությունների հաստատումից ի վեր ձևավորվել են արդյունավետ գործնական հարաբերություններ:
Վստահ եմ, որ համատեղ ջանքերով կնպաստենք բազմոլորտ համագործակցության խորացմանը՝ ի շահ մեր ժողովուրդների»,- մասնավորապես ասվում է ուղերձում:
