azatutyun.am Գերմանիայի «Բեռլին-Բրանդենբուրգ» օդանավակայանը սեպտեմբերի 23-ի երեկոյան դադարեցրել էր աշխատանքը մոտակայքում նկատված անօդաչու թռչող սարքի պատճառով, տեղեկացնում է «Ազատության» «Նաստոյաշեե Վրեմյա» նախագիծը։
Անօդաչու թռչող սարքը նկատվել է տեղական ժամանակով մոտավորապես ժամը 20:00-ին։ Դրանից հետո Գերմանիայի Օդային երթևեկության կառավարման ծառայությունը (DFS) նախ փակել է հյուսիսային թռիչքուղին, ապա՝ հարավայինը։ Սահմանափակումները վերացվել են մեկ ժամ անց։
Ըստ գերմանական Dpa գործակալության՝ գերմանական օդանավակայաններից «Բեռլին-Բրանդենբուրգում» ամենաշատն են նկատվում անօդաչու թռչող սարքեր: 2026 թվականի առաջին վեց ամիսներին Օդային երթևեկության կառավարման ծառայությունն այնտեղ գրանցել է 28 անօդաչու թռչող սարք։ Յոթ դեպքում օդանավակայանը ստիպված է եղել փակվել մուտքային և ելքային չվերթների համար։ 2025 թվականի ընթացքում օդանավակայանի տարածքում նկատվել է ութ անօդաչու թռչող սարք։
Շարունակությունը՝ սկզբնաղբյուր կայքում
