armenpress.am ԱՄԷ քաղաքացիական ավիացիայի գլխավոր վարչությունը հայտարարել է այդ երկրի և Իրանի միջև չվերթները մինչև հետագա ծանուցումը դադարեցնելու մասին։ Այս մասին հայտնում է WAM լրատվական գործակալությունը։
Նշվում է, որ որոշումը կայացվել է Իրանի օդագնացության ոլորտին աջակցող կազմակերպությունների նկատմամբ ԱՄՆ-ի սահմանած պատժամիջոցների պատճառով։ Վարչությունը հայտարարել է, որ կշարունակի հանրությանը տեղեկացնել երկու երկրների միջև օդային հաղորդակցության վերաբերյալ փոփոխությունների մասին՝ կոչ անելով ուղևորներին պաշտոնական աղբյուրներում ճշտել չվերթների մասին թարմ տեղեկատվությունը։
Ավելի վաղ իրանական ISNA լրատվական գործակալությունը հայտնել էր, որ Իրանի ավիաընկերությունները սեպտեմբերի 24-ի կեսգիշերից չեղարկել են դեպի ԱՄԷ բոլոր չվերթերը:
Շարունակությունը՝ սկզբնաղբյուր կայքում
