news.am Ծիծեռնակաբերդի խճուղում գտնվող էլեկտրական ենթակայանի հրդեհի հետևանքով շուրջ 5 հազար բաժանորդ մնացել է առանց էլեկտրականության, հիմնականում՝ Երևանի Կենտրոն վարչական շրջանում։ Այս մասին հրդեհի վայրում լրագրողներին հայտնել է ՀԷՑ-ի ժամանակավոր կառավարիչ Ռոմանոս Պետրոսյանը։
«Ժամերի ընթացքում կվերականգնվի բոլորի էլեկտրամատակարարումը»,– ասել է նա։
Նշենք, որ հրդեհը բռնկվել է այսօր ժամը 17.00–ի սահմաններում։ Շուրջ երեք ժամ անց հրշեջներին հաջողվել է մեկուսացնել հրդեհը։
