shantnews.am ԱՄՆ ֆինանսների նախարարության արտասահմանյան ակտիվների վերահսկողության գրասենյակը հայտարարել է, որ կխստացնի Կուբայի դեմ պատժամիջոցները։
Մասնավորապես, սեպտեմբերի 30-ից սկսած՝ կրճատվել է ԱՄՆ իրավասության տակ գտնվող անձանց համար Կուբա թույլատրված ուղևորությունների ցանկը, և արգելվում է Կուբայում մասնագիտական հանդիպումներին և կոնֆերանսներին մասնակցելը կամ դրանք անցկացնելը: Խստացվել են նաև Կուբա կրթական ուղևորությունների կանոնները:
Կուբայի պատժամիջոցների ցանկում ընդգրկված կազմակերպությունների հետ ինչպես ուղղակի, այնպես էլ անուղղակի ֆինանսական գործարքների արգելքները ընդլայնվել են։ Ավելին, ԱՄՆ բանկային հաստատություններին այլևս թույլատրված չէ բացել կամ վարել բանկային հաշիվներ Կուբայի քաղաքացիություն ունեցող մասնավոր ձեռնարկատերերի համար. նրանց միջոցներն ու հաշիվները պետք է սառեցվեն։
