shantnews.am Իրանի և Ադրբեջանի ԱԳ նախարարներ Աբբաս Արաղչին և Ջեյհուն Բայրամովը հեռախոսազրույց են ունեցել, որի ընթացքում քննարկել են Թեհրանի և Բաքվի երկկողմ հարաբերությունների ներկա վիճակը, ինչպես նաև տարածաշրջանային ու միջազգային զարգացումները։
Նախարարներն անդրադարձել են երկու երկրների հարաբերություններին առնչվող ընթացիկ հարցերին։ Հեռախոսազրույցի ընթացքում Ջեյհուն Բայրամովը նաև ցավակցություն է հայտնել իրանցի գործընկերոջը՝ քրոջ մահվան կապակցությամբ։
Այս հեռախոսազրույցը հաջորդել է սեպտեմբերի վերջին ՄԱԿ-ի Գլխավոր ասամբլեայի շրջանակներում նրանց ունեցած հանդիպմանը, որտեղ կողմերը վերահաստատել էին բարիդրացիական հարաբերությունների զարգացման կարևորությունը։
