armenpress.am ՄԱԿ-ի գլխավոր քարտուղար Անտոնիու Գուտերեշը ՀԱՄԱՍ-ի կողմից Իսրայելի դեմ հարձակման տարելիցի կապակցությամբ ուղերձ է հղել՝ նշելով, որ 2023 թ. հոկտեմբերի 7-ին իրականացված հարձակման սարսափները երբեք չպետք է կրկնվեն։ Այս մասին Գուտերեշը նշել է X-ում գրառման մեջ։
«2023 թվականի հոկտեմբերի 7-ին ՀԱՄԱՍ-ը և պաղեստինյան այլ զինված խմբավորումներ Իսրայելի դեմ իրականացրին ահավոր և լայնածավալ ահաբեկչական հարձակում՝ դաժանաբար սպանելով Իսրայելի և օտարերկրյա ավելի քան 1200 քաղաքացիների», – նշված է գրառման մեջ։
Գուտերեշի խոսքով՝ խաղաղ բնակիչները դիտավորյալ թիրախավորվել և սպանվել են իրենց տներում, համայնքներում և երաժշտական փառատոնի ընթացքում։ Ընդհանուր առմամբ, առևանգվել և որպես պատանդ Գազայի հատված է տեղափոխվել 251 մարդ, այդ թվում՝ կանայք, երեխաներ և տարեցներ։
«Ոչինչ չի կարող արդարացնել այդ վայրագությունները, – նշել է Գուտերեշը։ -Նախկին պատանդներից լսել եմ այն աներևակայելի տանջանքների մասին, որոնց ենթարկվել են նրանք և գերության մեջ գտնվող մյուս անձինք՝ Գազայում անմարդկային պայմաններում պահվելիս, ինչպես նաև այն տառապանքի ու անորոշության մասին, որոնք ապրել են նրանց ընտանիքները գերության ողջ ընթացքում։ Ես խորապես ուրախ եմ բոլոր նրանց համար, ովքեր վերադարձրել են իրենց ազատությունը և վերամիավորվել հարազատների հետ»։
Նա հավելել է, որ այդ սարսափները երբեք չպետք է կրկնվեն։
Անդրադառնալով Գազայի հատվածում պատերազմին՝ գլխավոր քարտուղարը նշել է, որ ռազմական գործողություններն «անասելի տառապանքներ» են պատճառել Գազայի պաղեստինցիներին՝ հանգեցնելով մարդկային զգալի կորուստների, տեղահանության և ավերածությունների։
Շարունակությունը՝ սկզբնաղբյուր կայքում
