azatutyun.am Գերմանիայում ձերբակալել են Դաշնային հետախուզական ծառայության (BND) նախկին ղեկավար Ավգուստ Հանինգին՝ լրտեսության, պետական դավաճանության և օտարերկրյա պետության օգտին հետախուզական գործունեության փորձի կասկածանքով: Այս մասին հաղորդում է «Ազատ Եվրոպա/Ազատություն» ռադիոկայանի «Նաստոյաշչեե Վրեմյա» նախագիծը՝ հղում անելով Գերմանիայի դաշնային դատախազության հայտարարությանը:
Հանինգը Դաշնային հետախուզական ծառայությունը ղեկավարել է 1998 թվականի դեկտեմբերից մինչև 2005-ի նոյեմբերը, ավելի ուշ Գերմանիայի ներքին գործերի նախարարությունում զբաղեցրել է պետքարտուղարի պաշտոնը:
Գործով անցնում է նաև Դաշնային հետախուզական ծառայությունում Հանինգի և այլ ղեկավարների օրոք՝ մինչև 2026-ի մարտը աշխատակազմի ղեկավարի պաշտոնը զբաղեցրած Մանֆրեդ Դ.-ն, որին մեղադրում են պետական դավաճանության և լրտեսության փորձին հանցակցության մեջ:
Քննության տվյալներով՝ 2010-ը գարնանը երկու կասկածյալները պայմանավորվել են, որ Մանֆրեդ Դ.-ն մշտական հիմքի վրա վարձատրության դիմաց փոխանցելու է Հանինգին հետախուզական տեղեկատվություն BND-ից: Այդ տեղեկատվությունը Հանինգն օգտագործելու էր իր մասնավոր խորհրդատվական ծառայությունների շրջանակում: Քննիչների գնահատականներով՝ հետախուզական ծառայության նախկին ղեկավարին փոխանցվել է ընդհանուր առմամբ շուրջ հազար փաստաթուղթ, որոնցից շատերը գաղտնի տեղեկատվություն էին պարունակում:
Շարունակությունը՝ սկզբնաղբյուր կայքում
