arm.sputniknews.ru Ռուսաստանն անհրաժեշտ միջոցներ կձեռնարկի իր անվտանգությունն ապահովելու համար, եթե Լիտվան վերացնի իր տարածքում զանգվածային ոչնչացման զենքի տեղակայման արգելքը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Իհարկե, Ռուսաստանը ստիպված կլինի ձեռնարկել բոլոր անհրաժեշտ միջոցները սեփական անվտանգությունն ապահովելու համար», – լրագրողներին ասել է Պեսկովը։
Ավելի վաղ լիտվական LRT հեռուստառադիոընկերությունը, հղում անելով Սեյմի խոսնակ Յուոզաս Օլյակասին, հայտնել էր, որ երկրի իշխանությունները նախատեսում են 2027 թվականի սկզբին Սահմանադրությունից ջնջել Լիտվայի տարածքում զանգվածային ոչնչացման զենքի տեղակայումն արգելող դրույթը։
