azatutyun.am Հայաստանը ցանկանում է Ռուսաստանի վրա դնել պատասխանատվությունը Գյումրիի ռազմակայանի հնարավոր դուրսբերման համար, РИА “Новости”-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը:
Այդ փորձերը, ռուս դիվանագետի խոսքով, «տեղավորվում են հայկական ներկայիս քաղաքական մտքի հետաքրքիր առանձնահատկության մեջ»: «Իշխող էլիտան Երևանում հաճախ սպասում է, որ կարևորագույն որոշումներն ընդունվեն արտաքին խաղացողների կողմից», – պնդել է Կալուգինը:
Միաժամանակ, ըստ ռուսաստանցի պաշտոնյայի, Մոսկվան պատրաստ է քննարկել Գյումրիում տեղակայված ռազմաբազայի վերաբերյալ բոլոր հարցերը: Երկխոսությունը կառուցվելու է ռուսական զորախմբի ներկայությունը կարգավորող համաձայնությունների վրա, ընդգծել է Կալուգինը:
