armenpress.am Արգենտինայի մայրաքաղաք Բուենոս Այրեսում կայացել է Լիոնել Մեսսիի հրաժեշտի խաղը հավաքականի կազմում:
Բուենոս Այրեսի «Մոնումենտալ» մարզադաշտում կայացած Արգենտինա-Բենին ընկերական հանդիպումը Լիոնել Մեսիի համար վերջինն էր ազգային թիմի կազմում: Արգենտինան այդ խաղում հաղթել է 3:0 հաշվով` Մեսսին դարձել է գոլի հեղինակ:
«Այսօր դժվար է որևէ բան ասել. էմոցիաներով եմ լցվում, գլխումս այնքան շատ մտքեր կան: Հայրս առաջինն է, ում մասին մտածում եմ: Այն ամենը, ինչ ես կարող եմ անել, շնորհակալություն հայտնելն է, ինչպես ես արդեն արել եմ իմ հրաժեշտի նամակում: Ինձ համար մեծ հպարտություն էր կրել այս շապիկը ավելի քան 20 տարի: Նույնիսկ ամենադժվար ժամանակներում ես երբեք չեմ դադարել պայքարել: Թիմից բաժանվելն ինձ խորը ցավ կպատճառի։ Երդվում եմ, որ կցանկանայի ամբողջ կյանքում գալ այստեղ, քանի որ Արգենտինայի հավաքականում խաղալը լավագույն բանն է, որ կարող է պատահել»,-հրաժեշտի խոսքում ասել է Մեսսին։
