azatutyun.am Ուկրաինան անօդաչու թռչող սարքերով կրկին հարվածել է Ռուսաստանի ամենամեծ՝ Օմսկի նավթավերամշակման գործարանին, հայտնում է «Ազատության» ռուսական ծառայությունը՝ տելեգրամյան մոնիտորինգային ալիքներին հղումով:
Օմսկի նահանգապետ Վիտալի Խոցենկոն գրել է, որ հակաօդային պաշտպանության ուժերը «հետ են մղում թշնամու հարձակումը»: Այլ մանրամասներ նա չի հաղորդել:
Տեղի բնակիչները սոցցանցերում հայտնում են, որ նավթավերամշակման գործարանի մոտ պայթյուններ են լսվում և ծուխ է նկատվում: Օմսկում անօդաչու թռչող սարքի մասին տագնապ է հայտարարվել, իսկ պայթյուններ և տագնապի ազդանշաններ են լսվում նաև քաղաքի այլ մասերում:
«Օմսկի քաղաքացիական դիմադրություն» տելեգրամյան ալիքը հաղորդում է համալսարանների և քոլեջների ուսանողների բողոքների մասին, որ նրանց մերժում են տարհանել՝ չնայած օդային հարձակման ազդանշաններին։
«Դասախոսը շարունակում է դասախոսություններ կարդալ, մինչ ազդանշանները հնչում են, և ուսանողներին խնդրում են նստել և գրառումներ անել», – գրում է ալիքը։
Ուսանողները պնդում են, որ սա առաջին դեպքը չէ, որ նման բան է պատահում առնվազն տասնյակ ուսումնական հաստատություններում։
Շարունակությունը՝ սկզբնաղբյուր կայքում
