Բաքվի Յասամալի շրջանում գտնվող դպրոցներից մեկում նախօրեին հրկիզման փորձ է կատարվել։ Ադրբեջանական լրատվամիջոցների հաղորդմամբ՝ ոստիկանության իրականացրած միջոցառումների արդյունքում ձերբակալվել են նախկինում դատապարտված Մուհամմեդ Իսմայիլովը, որը կասկածվում է հանցագործությունը կատարելու մեջ, ինչպես նաև ևս հինգ անձ, այդ դպրոցի՝ 10-րդ և 11-րդ դասարանների աշակերտներ։
Դեպքի առթիվ Քրեական օրենսգրքի համապատասխան հոդվածով քրեական գործ է հարուցվել։ Քննությունը շարունակվում է։
Բացի այդ, հետաքննվել է Բաքվի Ղարադաղի շրջանում դպրոցի տնօրենին պատկանող «Kia» մակնիշի ավտոմեքենայի հրկիզման դեպքը։ Ադրբեջանի ՆԳՆ-ն հայտնում է, որ ոստիկանության իրականացրած միջոցառումների արդյունքում ձերբակալվել է նախկինում դատապարտված Ֆուադ Իբրահիմովը, որը հրկիզել է ավտոմեքենան։ Դեպքի առթիվ քրեական գործ է հարուցվել, կատարվում է քննություն։
Ավելի վաղ ադրբեջանական լրատվամիջոցները հայտնել էին, որ դպրոցներում հիջաբի արգելքի դեմ բողոքի ցույցերի շրջանակում ավելի քան 200 մարդ է ձերբակալվել։
Թարգմանությունը՝ Էմմա Չոբանյանի
Ադրբեջանում հիջաբի արգելքի դեմ բողոքի ցույցերի շրջանակում ավելի քան 200 մարդ է ձերբակալվել
