news.am Ֆրանսիայի նախագահ Էմանուել Մակրոնը հանդես է եկել ազգին ուղղված ուղերձով՝ խոստանալով պատասխանատվության ենթարկել ջարդարարությունների մասնակիցներին և վնասի հատուցում պահանջել նրանցից, ովքեր մասնակցել են խանութների թալանին և շենքերի ավերմանը, հաղորդում է Le Monde-ը:
Միևնույն ժամանակ նա ընդունել է, որ անկարգություններով ուղեկցված բողոքների ֆոնին քաղաքացիների մտահոգությունները՝ կապված կյանքի թանկացման և վառելիքի գների աճի հետ, հիմնավոր են։
«Նրանք, ովքեր ավերել են, պետք է վճարեն։ Նրանք, ովքեր թալանել են, պետք է հատուցեն վնասը», — հայտարարել է Մակրոնը կիրակի երեկոյան։ Նա նաև զգուշացրել է, որ հանրապետության հիմքերը խարխլելու փորձերի մեղավորները պատասխան կտան իրենց գործողությունների համար։
Միևնույն ժամանակ նախագահը կոչ է արել չշփոթել խաղաղ բողոքի ակցիաների մասնակիցներին ջարդարարների հետ։ Ըստ նրա, իշխանությունները պետք է միաժամանակ հաշվի առնեն քաղաքացիների պահանջները և ապահովեն հասարակական կարգի պահպանումը։
Մակրոնը վառելիքի գների աճը կապել է Պարսից ծոցում հակամարտության հետևանքների հետ, որին Ֆրանսիան չի մասնակցել։ Նա հայտնել է, որ արդեն երկուշաբթի կշարունակի միջազգային բանակցությունները՝ ուղղված Ֆրանսիա վառելիքի և գազի մատակարարումների ապահովմանը, և կմեկնի Պարսից ծոցի երկրներ։
Շարունակությունը՝ սկբզնաղբյուր կայքում
